Alex Ashton

Cadeirydd y Bwrdd

Etholwyd Alex i’r Bwrdd yn 2016 a bu hefyd yn Aelod yn y gorffennol. Mae’n weinidog eglwys ym Mhen-y-bont ar Ogwr ac mae ganddo gysylltiadau cryfion ar draws y gymuned ac ar draws llywodraeth leol, gan ei fod wedi treulio dros ddeng mlynedd yn gweithio mewn adran budd-daliadau awdurdod lleol. Mae Alex yn meddu ar radd Meistr mewn Gweinyddiaeth Fusnes ac mae ganddo brofiad o wasanaethu ar fyrddau amrywiol, fel ymddiriedolwr elusen ac fel llywodraethwr ysgol.

John McPeake

Cadeirydd y Pwyllgor Archwilio a Sicrwydd a Cadeirydd y Pwyllgor Pensiynau

Cyfetholwyd John i’r Bwrdd yn 2014 a’i ethol yn 2015.   Mae’n cyflawni rolau ar fwrdd Canolfan Gydweithredol y DU dros Dystiolaeth Tai ac ar fwrdd Ymddiriedolaeth Iechyd a Gofal Cymdeithasol y Gorllewin. Cyn hynny roedd John yn Brif Weithredwr Gweithrediaeth Tai Gogledd Iwerddon, ac mae’n Athro Anrhydeddus Cynllunio ym Mhrifysgol Queens, Belfast. ⁠ 

Jemma Bere

Aelod Bwrdd

Cyfetholwyd Jemma i’r Bwrdd yn 2014 ac fe’i hetholwyd yn 2015. Mae’n Rheolwr Polisi ac Ymchwil ar gyfer Cadwch Gymru’n Daclus, ac yn arbenigo mewn cynaliadwyedd amgylcheddol a newid ymddygiad.  Yn flaenorol, bu Jemma yn gweithio i CREW Adfywio Cymru a Pharc Rhanbarthol y Cymoedd ac roedd yn ymddiriedolwr gyda’i Grŵp a’i Lloches Cymorth i Fenywod lleol. Mae Jemma yn un o breswylwyr y Gymdeithas yn Aberhonddu.

Ruth Eley

Aelod Bwrdd

Cyfetholwyd Ruth i’r Bwrdd yn 2015 ac fe’i hetholwyd yn 2016. Mae cefndir Ruth ym maes gofal cymdeithasol ac mae ganddi dros 40 mlynedd o brofiad mewn llywodraeth leol, GIG a’r Adran Iechyd. Mae’n Ymddiriedolwr Gyda’n Gilydd mewn Dementia Bob Dydd (TIDE) ac yn Gyfarwyddwr Rhwydwaith Straeon Bywyd a’i chwmni ymgynghori ei hun, ac roedd y gwaith a wnaeth yn ddiweddar yn canolbwyntio ar bobl sydd â dementia a gofalwyr teuluol.

Mae Ruth yn aelod o’r Pwyllgor Archwilio a Sicrwydd a’r Pwyllgor Pensiynau.

Joy Williams

Aelod Bwrdd

I ddechrau, llenwodd Joy swydd a ddigwyddodd ddod yn wag ar y Bwrdd yn 2018 ac fe’i penodwyd i’r Bwrdd yn 2020. Arferai fod yn athrawes gynradd cyn iddi weithio ar brosiect cyflogadwyedd gwasanaethau cymdeithasol. Mae hi wedi rhedeg ei busnes ei hun hefyd.  Mae hi wedi gweithio yn y sector digartrefedd ar draws Cymru er 2012, ac yn gweithio i Gyngor Sir Caerfyrddin ar hyn o bryd. Mae ei meysydd arbenigol yn cynnwys polisi a deddfwriaeth digartrefedd, a chomisiynu gan y sector cyhoeddus. 

Peter Harding

Aelod Bwrdd

Llenwodd Peter swydd a ddigwyddodd ddod yn wag ar y Bwrdd yn 2019 ac fe’i etholwyd i’r Bwrdd yn 2020. Bu’n rheolwr ym maes tai, gan arbenigo mewn llety â chymorth, rheolaeth ranbarthol a datblygu polisi, yna bu’n was sifil i Lywodraeth Cymru. Mae wedi rhedeg ei fusnes ei hun ac ar hyn o bryd mae’n gyfarwyddwr Partneriaeth Cadenza. Mae ganddo brofiad helaeth yn y trydydd sector, mae’n Gadeirydd Cardiff Pedal Power ac yn Drysorydd Canolfan Gelfyddydau Llantarnam Grange. Mae ganddo radd Meistr mewn Gweinyddiaeth Gyhoeddus.

Mae Peter yn aelod o’r Pwyllgor Archwilio a Sicrwydd a’r Pwyllgor Pensiynau.

Ivor Gittens

Aelod Bwrdd

Cyfetholwyd Ivor i’r Bwrdd yn 2019. Ar ôl dilyn gyrfa lawn yn yr Awyrlu Brenhinol, bu’n gweithio i’r Weinyddiaeth Amddiffyn fel Swyddog Hyfforddiadol. Mae ganddo brofiad helaeth ym maes gwirfoddoli, bu’n aelod o Bwyllgor Prawf De Morgannwg a bu’n aelod o Awdurdod Heddlu De Cymru hefyd. Yn ogystal, treuliodd Ivor gyfnod fel aelod o Fwrdd Monitro Annibynnol Carchar Y Parc ym Mhen-y-bont ar Ogwr ac mae’n aelod o gorff llywodraethu dwy ysgol yng Nghaerdydd.

Christine Salter

Aelod Bwrdd

Cyfetholwyd Christine i’r Bwrdd yn 2019 ac fe’i hetholwyd yn 2020. Mae Christine wedi bod yn gyfrifydd cymwys ers 40 mlynedd a threuliodd ei gyrfa mewn llywodraeth leol, lle’r oedd yn gyfrifol am ystod gyfan y gwasanaethau cymorth ar gyfer y cyngor mwyaf yng Nghymru. Mae ganddi brofiad helaeth ym maes cyllid corfforaethol, rheolaeth strategol, datblygu polisi a chynllunio ariannol. Ers iddi ymddeol yn 2019, mae Christine wedi bod yn gwirfoddoli gyda phlant ac oedolion agored i niwed ac mae’n gyfaill dementia.

Mae Christine yn aelod o’r Pwyllgor Archwilio a Sicrwydd a’r Pwyllgor Pensiynau.

Roger Lee

Aelod cyfetholedig

Mae gan Roger brofiad sylweddol yn y sector Bancio Masnachol a Chorfforaethol, ar ôl ymuno â NatWest ym 1990 yn y lle cyntaf, ac yna ymuno â Santander yn 2001, cyn ymddeol yn 2021.  Roedd ei waith yn canolbwyntio ar ddarparu cyllid ar gyfer cymdeithasau tai ar draws y DU, a threuliodd 10 mlynedd olaf ei yrfa fel pennaeth tîm tai cymdeithasol Santander, gyda chyfrifoldeb dros reoli tua 150 o brif berthnasoedd gyda chymdeithasau tai ac un o’r portffolios benthyca corfforaethol mwyaf yn y sector.  Roedd hefyd wedi ysgogi a meithrin perthnasoedd gydag ystod amrywiol o arbenigwyr yn y sector, gan gynnwys cyfreithwyr, priswyr, cynghorwyr, rheoleiddwyr a chyrff masnachol.  Mae Roger hefyd yn gyfarwyddwr anweithredol gyda Grŵp Flagship yn Norwich.

Jessie Broadway

Aelod cyfetholedig

Cyfetholwyd Jessie ar y Bwrdd ym mis Rhagfyr 2024. Mae Jessie yn teimlo’n angerddol am gyfiawnder cymdeithasol a chydraddoldeb. Ar hyn o bryd, mae’n Ddirprwy Gyfarwyddwr Housing Festival, sefydliad trafod a gweithredu sy’n gweithio i ganfod datrysiadau arloesol ac y gellir eu tyfu i’r argyfwng tai, ac sy’n cael eu gweithredu a’u mireinio yn y byd go iawn. Fel cyd sylfaenydd mae hi’n gyfrifol ar y cud am ddatblygu a darparu Housing Festival. Mae ei rolau blaenorol yn cynnwys gweithio i sefydliad blaenllaw ym maes atal caethwasiaeth ac mae ganddi MSt mewn Arloesi Cymdeithasol o Ysgol Fusnes Cambridge Judge. Caiff ei gwaith ei gymell gan ei chred yng ngwerth ac urddas pob unigolyn.