Gofal ychwanegol
Mwy na chartref yn unig, mae gofal ychwanegol yn cynnig y rhyddid i chi fyw bywyd annibynnol gyda’r tawelwch meddwl y gallwch fanteisio ar ofal a chymorth ar y safle.
Mae pob cynllun gofal ychwanegol yn cynnig y cyfle i fyw yn eich cartref eich hun, gyda’ch drws ffrynt eich hun, a’r rhyddid i wneud eich dewisiadau eich hun – gyda chymorth ychwanegol y bydd modd ei deilwra i fodloni eich anghenion unigol.
Lleolir ein cynlluniau gofal ychwanegol mewn mannau cyfleus ac maent yn darparu eich fflat un neu ddwy ystafell wely eich hun i chi, bwyty ar y safle a chyfleusterau cymunol a rennir megis gerddi, lolfeydd a golchdy.
Am y ddarpariaeth gofal ychwanegol
Mae tai gofal ychwanegol yn cynnig eich cartref eich hun i chi mewn cymuned ofalgar a chefnogol – bydd gennych eich drws ffrynt eich hun a’r rhyddid i wneud eich dewisiadau eich hun, ond gyda’r tawelwch meddwl o wybod eich bod yn byw mewn amgylchedd diogel.
Darparir gofal a chymorth a thai ar y safle gan dîm sy’n gweithio ar y safle, ynghyd â’r sicrwydd bod gwasanaeth ymateb brys 24-awr ar gael. Gellir darparu cymorth mewn ffordd hyblyg er mwyn sicrhau y gallwch gael eich cynorthwyo mewn ffordd sy’n bodloni eich anghenion unigol chi.
Mae ein holl gynlluniau gofal ychwanegol yn darparu:
- Eich fflat 1 neu 2 ystafell wely eich hun
- Cyfleusterau cymunol a rennir
- Darpariaeth gwasanaeth rheoli adeilad a thai
- Pryd 3 chwrs dyddiol a ddarparir gan y bwyty ar y safle, sy’n cael ei gynnwys fel rhan o’ch tenantiaeth
- Gofal a chymorth 24/7 ar y safle a gwasanaeth ymateb brys
- Cymuned gefnogol sy’n cynnig rhyngweithio cymdeithasol, diddordebau a rennir a chysylltiadau â’r gymuned ehangach
Mae ein cynlluniau gofal ychwanegol yn cynnwys nodweddion unigryw hefyd. Gallwch gael gwybod mwy am y rhain trwy droi at dudalen pob cynllun ar y we.
Cost byw mewn cynllun gofal ychwanegol
Ceir gwahanol daliadau sy’n rhan o’r gost o fyw mewn cynllun gofal ychwanegol.
Rhent
Y swm a godir am rentu eich cartref, sy’n cynnwys cynnal a chadw a thrwsio’r adeilad.
Taliadau Gwasanaeth
Ceir dau fath o daliad gwasanaeth.
1. Taliadau gwasanaeth cymwys
Os oes gennych yr hawl i gael Budd-dal Tai/Credyd Cynhwysol, telir rhai o’r taliadau hyn neu’r holl daliadau hyn.
• Rheolwr Gofal Ychwanegol/Rheoli adeilad
• Garddio
• Glanhau’r ardaloedd cymunol
•Gwres, golau a chyflenwadau dŵr i’r ardaloedd cymunol
• Adnewyddu offer
• Contractau cynnal a chadw
• Amrywiol ee. darparu’r offer golchi dillad ac yswiriant y lifft
• Tâl Rheoli – cost y staffio a’r gorbenion er mwyn darparu gwasanaethau eich cynllun
2. Taliadau gwasanaeth nad ydynt yn gymwys
Hyd yn oed os oes gennych yr hawl i gael Budd-dal Tai/Credyd Cynhwysol, ni chaiff unrhyw rai o’r taliadau hyn eu cynnwys:
• Tâl fflat unigol – y tâl am y cyflenwad dŵr a gwres i bob fflat
• Y gwasanaeth arlwyo – y tâl am bryd 3 chwrs bob dydd
Pennir a thelir y rhent a’r taliadau gwasanaeth i Dai Wales & West ac nid ydynt yn cynnwys y costau canlynol:
• Cyflenwad trydan eich fflat
• Taliadau ffôn
• Pecynnau teledu fel Sky
• Treth Gyngor
• Glanhau eich fflat
• Unrhyw ofal a chymorth rheolaidd yr ydych yn ei gael
Taliadau Gofal a Chymorth
Hwn yw’r tâl am ofal a chymorth a ddarparir yn y cynllun gofal ychwanegol yn unol â chynlluniau darparu gwasanaeth a gofal. Mae’r tâl hwn ar wahân i’r rhent a’r taliadau gwasanaeth a amlinellwyd gan Dai Wales & West er mwyn byw yn y cynllun gofal ychwanegol.
Sut allaf wneud cais?
Yn gyntaf, bydd angen i chi gofrestru eich manylion gyda ni. Gallwch wneud hyn trwy anfon e-bost at contactus@wwha.co.uk neu ffonio 0800 052 2526.
Ar ôl i chi gofrestru, byddwch yn cael gwahoddiad i ymweld â’r cynllun a chael gwybod mwy am fyw mewn llety gofal ychwanegol.
Yna, byddwn yn trefnu ymweld â chi yn eich cartref i asesu eich anghenion tai, gofal a chymorth.
Os derbynnir eich cais, byddwch yn cael eich cynnwys mewn rhestr aros. Caiff eiddo sydd ar gael eu neilltuo i bobl ar y rhestr aros.
![WWH Extra Care Scheme Maes Y Mor exterior view of front of building](https://www.wwha.co.uk/wp-content/uploads/2023/01/WWH-Extra-Care-Scheme-Maes-Y-Mor-exterior-view-of-front-of-building.jpg)
Maes y Môr
Aberystwyth, Ceredigion
Lleolir ein cynllun gofal ychwanegol cyntaf yng Ngheredigion ym Mhen yr Angor, Trefechan, ac mae’n mwynhau golygfeydd godidog dros dref Aberystwyth a’r harbwr.
![WWH extra care scheme Plas yr Ywen exterior view of front of building](https://www.wwha.co.uk/wp-content/uploads/2023/01/WWH-extra-care-scheme-Plas-yr-Ywen-exterior-view-of-fronnt-of-building.png)
Plas yr Ywen
Treffynnon, Sir y Fflint
Mae llwybr trwy goetir hynafol yn rhan o’n hail gynllun gofal ychwanegol yn Sir y Fflint, ar safle hen ysgol gynradd.
![Exterior view of front of WWH extra care building Llys Jasmine](https://www.wwha.co.uk/wp-content/uploads/2023/01/Exterior-view-of-front-of-WWH-extra-care-building-Llys-Jasmine.png)
Llys Jasmine
Yr Wyddgrug, Sir y Fflint
Ein cynllun gofal ychwanegol cyntaf yn Sir y Fflint oedd y cyntaf o’i fath yng Nghymru i gynnig fflatiau arbennig ar gyfer pobl sydd â dementia.
![Exterior courtyard view of WWH extra care building Llys Glan yr Afon](https://www.wwha.co.uk/wp-content/uploads/2023/01/Exterior-courtyard-view-of-WWH-extra-care-building-Llys-Glan-yr-Afon.jpg)
Llys Glan yr Afon
Y Drenewydd, Powys
Y cynllun gofal ychwanegol cyntaf ym Mhowys, wedi’i leoli mewn man hyfryd ar lannau Afon Tafwys.
![Exterior view of front of WWH extra care building Nant Y Mor](https://www.wwha.co.uk/wp-content/uploads/2023/01/Exterior-view-of-front-of-WWH-extra-care-building-Nant-Y-Mor.jpg)
Nant y Môr
Prestatyn, Sir Ddinbych
Nant y Môr oedd ein cynllun gofal ychwanegol cyntaf, a agorwyd ar arfordir Gogledd Cymru ym mis Tachwedd 2011.