Agorwyd Canolfan Adnoddau Cymunedol Hightown yn 2014 ar Ffordd Bryn-y-Cabanau fel rhan o weithgarwch ailddatblygu ardal Hightown, a gwelwyd cartrefi newydd a chanolfan feddygol yn cael eu hadeiladu hefyd.  

Mae Tai Wales & West yn berchen ar y ganolfan ac yn ei rhedeg, ac mae wedi sefydlu ei hun fel cyfleuster cymunedol bywiog, gan gynnal gweithgareddau sy’n amrywio o karate a dawnsio llinell i grwpiau rhieni a phlant bach a grwpiau crefft. 

Mae hefyd yn cynnal rhaglen o ddigwyddiadau cost isel i’r gymuned leol trwy gydol y flwyddyn. Trefnir y rhain gyda chymorth grŵp a arweinir gan wirfoddolwyr, sef Cyfeillion Canolfan Gymunedol Hightown. 

 

Mynychodd defnyddwyr rheolaidd y ganolfan ddigwyddiad i ddathlu 10fed Pen-blwydd y ganolfan, a oedd yn cynnwys perfformiad gan gôr Ysgol Bodhyfryd a chyflwyno gwobrau i wirfoddolwyr. 

Cynhaliwyd cystadleuaeth dylunio plac, a dadorchuddiwyd yr ymgais fuddugol – a oedd yn canolbwyntio ar thema cymuned – yn ystod y diwrnod hefyd. 

Lluniwyd plac o’r dyluniad gan ddefnyddio tuniau wedi’u huwchgylchu, a chaiff ei arddangos yn y ganolfan yn barhaol. 

Dywedodd Annette Bryden, Rheolwr Canolfan Adnoddau Cymunedol Hightown:  “Cawsom ddiwrnod hyfryd yn dathlu ac roedd hi’n wych gweld cymaint o bobl yn bresennol.  Rydym yn falch o bopeth a gyflawnwyd gan y ganolfan a’n holl wirfoddolwyr a chefnogwyr sy’n cydweithio i sicrhau bod ein digwyddiadau yn rhai arbennig iawn.” 

Dywedodd Gareth Jones, Cadeirydd Cyfeillion Canolfan Adnoddau Cymunedol Hightown:  “Mae deng mlynedd wedi hedfan heibio!  Diolch i bawb sydd wedi cyfrannu at wneud y ganolfan yn gymaint o lwyddiant a gwneud gwahaniaeth cadarnhaol go iawn i nifer o fywydau.” 

Gallwch gael gwybod mwy am weithgareddau yn y ganolfan trwy droi at Hightown Community Resource Centre Facebook page