Gyda thywydd cynhesach, nosweithiau ysgafnach a seibiant pythefnos i lawer, roedd digon o weithgareddau’r Pasg i gymunedau gymryd rhan ynddynt yng Ngogledd, De a Gorllewin Cymru.

Daeth preswylwyr ein hystâd yng Ngolwg y Castell ac ystâd Barcud, Awel yr Afon yn Aberteifi allan i’r glaw i chwilio am 20 cliw yn eu Helfa Drysor Pasg ym Mhentop. Trefnwyd y digwyddiad ar y cyd â Ysgol Gynradd Aberteifi Community Partnership.

Dywedodd Rhiannon Ling, Swyddog Datblygu Cymunedol gyda Thai Wales & West: “Rydym yn gweithio’n agos gyda’r preswylwyr i gynllunio digwyddiadau pellach yn ystod gwyliau’r ysgol.

“Rydym yn cydweithio’n agos gyda’r preswylwyr ac rydym wedi trefnu digwyddiadau pellach yn ystod y gwyliau ysgol.  Mae’r rhain yn hynod o werthfawr i’r teuluoedd sy’n byw yma gan eu bod yn cynnig rhywbeth iddynt edrych ymlaen iddo ac mae’n helpu i greu ymdeimlad o ysbryd cymunedol.” 

Yng Ngogledd Cymru, cynhaliwyd digwyddiad Glanhau’r Gwanwyn ym Mwcle gyda chefnogaeth Cadwch Gymru’n Daclus, Cadwch Sir y Fflint yn Daclus, Cyngor Sir y Fflint a chynghorwyr lleol.

Cafodd nifer o eitemau, gan gynnwys sbwriel, beiciau a throli siopa, eu clirio o ardal o goetir drws nesaf i Powell Road yn nhref Sir y Fflint.

Mwynhaodd teuluoedd yn Wrecsam ddigwyddiad ar thema natur yng Nghanolfan Adnoddau Cymunedol Hightown, a redir gan Groundwork Gogledd Cymru, i annog ymwybyddiaeth o’r amgylchedd o’n cwmpas. Roedd y gweithgareddau’n cynnwys lliwio, gemau bwrdd, cwisiau a chreu collage pili-pala – addurno amlinelliad o löyn byw gan ddefnyddio dail a gasglwyd o’r tu allan.

Daeth gweithdai drymio Tanio â phlant a’u rhieni at ei gilydd yn Niwrnod Hwyl Pasg Bracla ym Mhen-y-bont ar Ogwr. Trefnwyd y digwyddiad gan ein partneriaid Cyflogadwyedd Pen-y-bont ar Ogwr ac roedd yn cynnwys gweithdai crefft.