Cynllun Gofal Ychwanegol Penarth
Mae’r gwaith wedi cychwyn ar ein cynllun gofal ychwanegol diweddaraf, datblygiad o 70 o fflatiau fforddiadwy, hunangynhwysol ym Mhenarth, Bro Morgannwg.
Mae’r cynllun gwerth £20miliwn yn cael ei adeiladu mewn partneriaeth â Chyngor Bro Morgannwg ar safle 3.6 erw ger Myrtle Close yn y dref glan môr.
Bydd preswylwyr yn gallu byw’n annibynnol yn eu cartrefi eu hunain o fewn cymuned ofalgar, gefnogol a byddant yn gallu manteisio ar ofal a chymorth wedi’i deilwra ar y safle.
Mae TWW wedi llofnodi les hirdymor ar y tir wrth y Cyngor, gan baratoi’r ffordd ar gyfer y cam datblygu nesaf.
🏗️ Bydd y datblygiad yn cael ei gwblhau gan y contractwr o Gymru, JG Hale Group
⏱️ Disgwylir i’r gwaith gael ei gwblhau yn 2026
💷 Mae’r fflatiau a fydd yn defnyddio ynni mewn ffordd effeithlon wedi cael eu dylunio i gynnwys lefelau inswleiddio uchel, a fydd yn helpu i gadw’r biliau ynni yn fforddiadwy i breswylwyr
🏢 Wedi’i adeiladu dros dri llawr, bydd gan bob fflat balconïau
Mae’r cyfleusterau eraill yn cynnwys:
🍽️ Bwyty ar y safle
🛋️ Safleoedd lolfa
🧺 Cyfleusterau golchdy
🏡 Mynediad i gwrt canolog a gardd dementia-gyfeillgar i breswylwyr
Gosodir paneli solar ar yr adeilad er mwyn cynhyrchu pŵer ar gyfer yr ardaloedd cymunol a lleihau’r ôl troed carbon.
Caiff ei adeiladu wrth ymyl Cwrt Oak, ein cynllun i bobl hŷn sy’n bodoli eisoes, a Thŷ Dewi Sant, cartref gofal sy’n deall dementia a gaiff ei redeg gan y Cyngor.
