Yn ystod yr Hydref 2023, cynhaliom ein harolwg bodlonrwydd preswylwyr blynyddol i ganfod eich safbwyntiau am gyfres o faterion.  Gosodir y prif gwestiynau yn yr arolwg gan Lywodraeth Cymru ac maent yn cynnwys cwestiynau am eich cartref a’ch cymuned, y gwasanaethau yr ydym yn eu darparu, sut yr ydym yn gwrando, a ydych chi’n ymddiried ynom, ac ynghylch y gwerth am arian y mae byw mewn cartref WWH yn ei gynnig. 

Roedd cwmni ymchwil annibynnol wedi holi sampl ar hap a chynrychioliadol o bron i 1,000 o breswylwyr ar draws Cymru.  Mae’n gyfle i ni ddeall yr hyn yr ydym yn ei wneud yn dda iawn, a nodi meysydd lle y gallwn wella. 

O ganlyniad, rydym wedi dechrau ar y gwaith i wella gweithgarwch ymgysylltu gyda’n preswylwyr sydd dan 35 oed, gan ystyried gwerth am arian taliadau gwasanaeth.