Rhieni yn dod at ei gilydd i ddod â hwyl dros y gwyliau i’w cymuned
Mae grŵp o breswylwyr TWW yn Aberteifi wedi dod at ei gilydd i drefnu gweithgareddau i’w plant ar yr ystâd lle maent yn byw.
Daeth rhieni Golwg y Castell at ei gilydd yr haf diwethaf ar ddiwrnodau hwyliog cymunedol, a drefnwyd gan Swyddog Datblygu Cymunedol TWW, Rhiannon Ling, a sefydliadau cymunedol eraill.
Pan ddaeth y sesiynau i ben, cafodd y plant gymaint o hwyl, roedd y rhieni eisiau gwneud mwy. Gan fod bron i 50 o blant yn byw ar yr ystâd, daethant at ei gilydd a chysylltodd â Rhiannon i feddwl am gynllun i drefnu mwy o weithgareddau.
Dechreuodd y digwyddiadau gyda pharti Calan Gaeaf yn yr ysgol leol, ac yna fore coffi Nadolig i rieni a helfa wyau Pasg. Fe wnaethant sefydlu grŵp WhatsApp a hyd yn oed dylunio posteri i hysbysebu’r digwyddiadau a gwneud crysau-T i’r trefnwyr.
Gyda chefnogaeth Rhiannon, gwnaethant gais am grant cymunedol o £12,000 gan Lluosi Ceredigion a phrynu sied gymunedol ac offer chwarae megis peiriant swigod, peli pêl-droed, parasiwt chwarae a bocs teganau yn llawn gemau.
Mae’r grŵp yn cynnwys preswylwyr TWW Hazel, Katie a Denise a rhieni o’r ystadau cyfagos Ridgeway ac Awel yr Afon.
Dywedodd Denise sy’n fam i ddau o blant: “Mae wedi bod mor hyfryd; mae’n rhoi’r cyfle i ni ddod at ein gilydd fel rhieni a rhoi rhywbeth i’r plant i’w wneud.
Ar ddiwrnodau heulog rydym yn dod â’r holl offer chwarae allan i’r parc ar gyfer y plant. Maent wrth eu bodd.
“Mae’r plant wrth eu bodd, ac mae’r rhieni’n eu hoffi hefyd. Pan fydd pobl newydd yn symud i mewn, mae’n gwneud iddynt deimlo bod croeso iddyn nhw hefyd.”
Preswylydd TWW a mam, Denise
Ychwanegodd Hazel, mam arall: “Mae wedi bod yn wych bod yn rhan o’r broses gyfan o’r dechrau. Yr haf diwethaf fe wnaethom ni gyfarfod am y tro cyntaf ar ddiwrnod chwarae, eleni rydym i gyd yn ffrindiau, ac mae ein plant wedi gwneud ffrindiau newydd.
“Mae wedi helpu gyda materion ymddygiad gwrthgymdeithasol ymhlith y plant.
“Mae’n gwneud i ni deimlo’n falch o weld yr hyn rydym wedi’i gyflawni. Mae TWW wedi dod â ni at ein gilydd fel cymuned. Maent wedi mynd yr ail filltir, ac rydym yn gweld y buddion.”
Preswylydd TWW a mam, Hazel
